ყველაზე სპორტული ნაშები

მსოფლიო ჩემპიონატი ფეხბურთში ტელევიზორსაა მომდგარი… ჰა და ჰა. ამ პოსტით, მინდა, შევეგებო… თუმცა, ქალთა ფეხბურთი ცუდად ვიცი, ამიტომ, ზოგადად სპორტსმენებზე დავწერ.

დავიწყებ ულამაზესი ფეხბურთისა და ულამაზესი ქალების ქვეყანით – ბრაზილიით, მით უმეტეს, რომ ბრაზილიელი ტყუპები ბეატრის (ბია) და ბრანკა ფერესები (Beatriz & Branca Moreira Feres) ნამდვილად იმსახურებენ ამ სიის სათავეში ყოფნას.

ისინი სინქრონისტები არიან – სინქრონულ ცურვაში ბრაზილიისა და პან-ამერიკული ახალგაზრდული ჩემპიონატის გამარჯვებულები, უფროსებს შორის ბრაზილიის ჩემპიონები და პან-ამერიკული ჩემპიონატის მესამე ადგილოსნები.

ძველი ბრაზილიური თქმულება ამბობს – თუკი ტყუპებს შორის მოხვდი, სურვილი ჩაიფიქრე და აუცილებლად აგისრულდებაო. ბიასა და ბრანკას შორის თუ მოხვდი მამაძაღლი, რაღა უნდა ჩაიფიქრო – აგსრულებია და ეგაა.

ამანდა ბიარდი (Amanda Ray Beard) ამერიკელი მოცურავე, ამერიკის რეკორდსმენი, მსოფლიოს ჩემპიონი, ოლიმპიური თამაშების ბრინჯაოს, ვერცხლის და ოქროს მედალოსანია.

.  

ამანდა ვეგეტერიანელია. არ ვიცი, ამის ბრალია თუ არა, ასეთ მშვენიერ ფორმაში რომ იმყოფება.

პარაგვაელი შუბის მტყორცნელი ლერინ ფრანკო (Leryn Margarita Franco Montes) სამხრეთ ამერიკის ჩემპიონია ახალგაზრდებსა და უფროსებს შორის. ჯერ-ჯერობით სხვა ტიტულებით ვერ დაიკვეხნის, სამაგიეროდ, ეგ რომ გამოჩნდება სარბიელზე, მთელი სტადიონი ბღავის: “მესროლე ეგ შუბი, ქალბატონო მარგალიტა”-ო.

ფრანგი მოცურავე ლორ მანოდუ (Laure Manaudou) ევროპის, მსოფლიოსა და ოლიმპიური თამაშების ჩემპიონია. სპორტული კარიერა 22 წლისამ სულ ახლახანს დაასრულა, ამიტომ მისი გამოტოვება სამართლიანი არ იქნებოდა.

რუსი მარია შარაპოვა (Мария Шарапова) სულ უფრო იშვიათად იგებს, თუმცა, ყველაზე მომხიბლველ სპორტსმენთა სიას მაინც არ ტოვებს.

ანა პაულა მანსინო (Ana Paula Mancino) ბრაზილიელი ფრენბურთელია. იტალიურ კლუბში თამაშობს, ეროვნულ ნაკრებში ვერ ხვდება (ვინ ყავთ, ნეტა, უკეთესი?). ასეთი გარეგნობის პატრონი პლაჟის ფრენბურთს დაამშვენებდა.

სოფთბოლისა ბევრი არაფერი გამეგება, მხოლოდ ის ვიცი, რომ დიდი ძუძუები სოფთბოლისთვის ხელის შემშლელი არაა, სხვა შემთხვევაში ამერიკელი ჯენი ფინჩი (Jennie Lynn Finch) ოლიმპიური თამაშების ოქროსა და ვერცხლის მედალოსანი ნამდვილად ვერ გახდებოდა.

ველო-სპრინტერი ვიქთორია ფენდელთონი (Victoria Pendleton) ბრიტანელი მსოფლიოს და ოლიმპიური თამაშების ჩემპიონია. ახლა, პატიოსანი ქალი ველოსიპედს რომ შემოაჯდება, მერე პაპიროსსაც მოწევს, მაგრამ მამამისიც ცნობილი ველოსიპედისტი იყო და რა გინდა, რო მოთხოვო.

სერბმა ანა ივანოვიჩმა (Ана Ивановић) ბევრის თვალში რუსები ჩამოალაბორანტა ყველაზელამაზ ჩოგბურთელთა სიის პირველი ადგილებიდან. ის საფრანგეთის ღია ჩემპიონატის გამარჯვებულია.

ერინ ფილიფსი (Erin Victoria Phillips) ავსტრალიელი კალათბურთელია. ამერიკის პროფესიონალურ ლიგაში თამაშობს და თავისი ქვეყნის ეროვნული ნაკრების ღირსებასაც იცავს.

უნგრელი რიტა დრავუჩი (Rita Dravucz) წყალბურთელია, ევროპისა და მსოფლიოს ჩემპიონი.

იტალიელი მოფარიკავე მარგერიტა გრანბასი (Margherita Granbassi) მსოფლიოს ჩემპიონი და ოლიმპიური ბრინჯაოს მფლობელია.

ამერიკელი მოცურავე დარა თორესი (Dara Torres) სამივე სინჯის 12 ოლიმპიური მედლის მფლობელია. 43 წლისაა, მაგრამ კარგ სპორტულ ფორმაშია და მშვენივრადაც გამოიყურება.

ბლანკა ვლაშიჩი (Blanka Vlašić) ხორვატი სიმაღლეში მხტომელია, მსოფლიოს ორგზის ჩემპიონი და ოლიმპიადის ვერცხლის მედალოსანი.

სუსანა კალური (Susanna Elisabeth Kallur) შვედი მორბენალია მოკლე დისტანციაზე ბარიერებით. ევროპის სამგზის ჩემპიონი და მსოფლიო ჩემპიონატის ბრინჯაოს მედალოსანია.

ესპანელი ტანმოვარჯიშე ალმუდენა სიდი (Almudena Cid Tostado) დასავლეთ ევროპელთა შორის ყველაზე წარმატებულია, თუმცა, აღმოსავლეთ ევროპელები უმწარებენ სიცოცხლეს და მუდამ მედლების გარეშე რჩება.

ლოქელანი მაქმიშელი (Lokelani McMichael) ტრიატლონისტია ჰავაიდან. ერთადერთი ქალია, რომელმაც ყოველწლიური გრძელი დისტანციის ტრიატლონის ტრასა დაძლია ჰავაიში და გინესის რეკორდების წიგნშიც მოხვდა.

ბრაზილიელი მოცურავე ფლავია დერალოლი (Flávia Delaroli) ოლიმპიური ჩემპიონი და რეკორდსმენია.

ამერიკელი გაბრიელ რისი (Gabrielle Allyse Reece) მსოფლიოს ჩემპიონია პლაჟის ფრენბურთში.

ავსტრალიელი ანა როუსონი (Anna Rawson) გოლფისტია, რამდენიმე საერთაშორისო ტურნირის გამარჯვებული.

კიდევ ერთი ველოსიპედისტი ჩემს სიაში ავსტრალიელი ნიკი გუდექსია (Niki Gudex), ის მთის ბაიკერია. ჟურნალმა FHM არაერთხელ დაასახელა მსოფლიოს ყველაზე ლამაზ 100 ქალს შორის.

მალია ჯონსი (Malia Jones) სერფინგისტია. ჰავაური, ესპანური, ფილიპინური, გერმანული და ინგლისური გენების კოქტეილით მისი მართლაც რომ გამორჩეული გარეგნობა მივიღეთ.

პოლონური წარმოშობის დანიელ ჩოგბურთელს, კაროლინ ვოზნიაცკის (Karolina Woźniacka/Caroline Wozniacki) ჯერ ყველა ტიტული წინ აქვს და ანა ივანოვიჩსაც შეეცილება ყველაზე მომხიბლველი ჩოგბურთელის ამბავში.

ახალგაზრდაა ამერიკელი სარფერი ქარინა ფეთრონიც (Karina Petroni). მშვენიერი გარეგნობის გარდა, როგორც წერენ, ის ძალიან ჭკვიანია, კარგი სტუდენტია და ფორტეპიანოზეც მუზიცირებს ჯაზს… იდეალია, პრაქტიკულად.

ამერიკელ გოლფისტ ქრისთი ქერის (Cristie Kerr) კი ტიტულები არ აკლია, ამავე დროს, ის Lacoste-ის სახეცაა.

დაბოლოს, ფეხბურთის შესახებ:

ერთხელ თბილისში შვედ ქალ ფეხბურთელთა გუნდი იყო ჩამოსული. ხმა გავარდა, მატჩის ბოლოს მაისურებს გაცვლიანო და 80-ათასიანი “დინამოს” სტადიონი გაივსო, ტევა არ იყო. მერე ის გოგოები გახარებულები ამბობდნენ – როგორ ყვარებიათ ქართველებს ქალების ფეხბურთი, სად არ გვითამაშია და 3’000-ზე მეტი მაყურებელი არსად ყოფილაო.

შვედი ფეხბურთელების სურათები არ მაქვს, ამიტომ ამერიკელ სოკერისტ ჰიზერ მითს (Heather Mitts) წარმოგიდგენთ. ის ოლიმპიადის ორგზის ჩემპიონია. მსოფლიო ჩემპიონატი ტრამვის გამო გამოტოვა.

ესეც, ბობუსი:
ბრაზილიური “ფლეიბოის” სამსოფლიოჩემპიონო ფოტოსესია.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:
ყველაზე ოლიმპიელი ნაშები