ლურჯკბილა ჰარალდის ამბავი

დღეს, როდესაც სულ უფრო მეტი სმართფონი რჩება აუდიო-ბუდის (Headphone Jack) გარეშე, ბლუთუსის იქეთ გზა აღარ გვაქვს.

რატომ ქვია ბლუთუსს ბლუთუსი? ჰარალდ გორმსონის საპატივცემულოდ.

ჰარალდ გორმსონი დანიის მეფე იყო პირველ საუკუნეში. ვინც მოინათლა თავად და ქრისტიანობა სახელმწიფო რელიგიად გამოაცხადა. ეგეთი მეფე მირიანი დანიიდან. ჰარალდ გორმსონს ერთი დაჩირქებული, კარიესით გამოჭმული კბილი ჰქონდა. არ ვიცი, ბორმანქანის ეშინოდა თუ რა ეშმაკი, მაგრამ ექიმებს ხელს არ აკიდინებდა და დადიოდა ასე. ამიტომ, მეტსახელად, ლურჯკბილა შეარქვეს.

სწორედ ჰარალდ “ლურჯკბილა” გორმსონის (Harald Blåtand Gormsen) სახელობისაა ტექნოლოგია, რომელმაც ადამიანთა ყოფა შეცვალა. ბლუთუსის ლოგო კი ლურჯკბილა მეფის ძველნორდიკული რუნებია – ჰაე – Hagall და ბანი – Bjarkan.

დამზადებულია იაპონიაში. 40 წლის წინ

1 ივლისს SONY-ს Walkman-ის 40 წლის იუბილე აღვნიშნეთ. ამ პოსტის მკითხველთაგან უმრავლესობა, ალბათ, 80-ანებში დაბადებული არ იყო და ვინც 90-იანებს მოესწრო, ისიც ძალიან პატარა იყო “უოქმენისთვის”.

“უოქმენი” იმ დროს იყო იგივე, რაც წლების შემდეგ “აიფოდი”. და კიდევ მეტი. როდესაც სონის პრეზიდენტმა აკიო მორიტამ “უოქმენი” გამოიგონა, მსგავსი არაფერი არსებობდა ბუნებაში. ეს იყო არამხოლოდ ტექნოლოგიური, არამედ კულტურული და მენტალური რევოლუცია. ამიტომ იყო სრულიად გამორჩეული. რა აღმატებული ხარისხის ზედსართავიც არ უნდა დავწერო ახლა, ყველა ნაკლები იქნება იმ ფენომენზე, “უოქმენი” რომ იქცა.

უშუალოდ შემოქმედი აკიო მორიტა ასე იგონებს ამ ამბავს:

წმინდა ინტერნეტი

გაწყვეტილი კავშირი სძაგს უფალსა!

პოლონეთის ქალაქ შვიებოჯინში 33 მეტრი სიმაღლის ქრისტეს ქანდაკება დგას. ეს მაცხოვრის ყველაზე მაღალი ქანდაკებაა მსოფლიოში – რიოს ცნობილ ქანდაკებაზე 3 მეტრით მაღალი. მაგრამ სიმაღლეს რა მადლი აქვს – კალათბურთს ხომ არ თამაშობენ (და იქაც სიმაღლე ყოველთვის არ წყვეტს ყველაფერს, აგერ სფად უებს ჰკითხეთ) პოლონელი იესოს მადლი მაღალი სიჩქარის უკაბელო ინტერნეტია. ქანდაკების გიგანტური, 3 მეტრიანი გვირგვინი ანტენას და სხვა საჭირო მოწყობილობებს მალავს, რომელიც ადგილობრივმა ინტერნეტ-კომპანიამ განათავსა. სამუშაოები ახლახან დასრულდა და ამჟამად წმინდა ინტერნეტი მიეწოდება შვიებოჯინის ტაძრის მრევლსაც და ქალაქის ათეისტ, ბუდისტ, მუსლიმ და ყველა სხვა მაცხოვრებელს იეღოვას მოწმეების ჩათვლით. ეგკიარა, თუ ვინმე სატანისტი მოხვდება იქვე ახლომახლო, იესო არც მას ეტყვის ინტერნეტზე უარს.

How-To: წიგნები ზაფხულში

იყო ასეთი ტრადიცია – არდადეგების/შვებულების დროს რამე ვებერთელა წიგნი (“ომი და მშვიდობაა” ზედგამოჭრილი) ჩაგედო ჩანთაში, საზაფხულო საკითხავად წაგეღო თან, გეტარებინა მთაში, ზღვაზე და ჩამოგეტანა უკან ისევ ისე, გადუშლელად. დღეს ეს ტრადიცია ქინდლმა მოსპო. თქმა არ უნდა, ქინდლის ტარება იოლია, მაგრამ წიგნების თრევას სხვა პლუსი ჰქონდა, იმ ანეკდოტისა არ იყოს – თუ ვერ დავეწევი, გავივარჯიშებ მაინცო. მაგრამ ეს პოსტი მაინც ქინდლზე იქნება. ვარჯიშზე – სხვა დროს.

ვინც ქინდლს ყიდულობს, პირველი თავსატეხი ესაა – როგორ ჩავაგდოთ წიგნი ქინდლში. თავსატეხიო, თუმცა დიდი ვერაფერი სირთულეა. გზა სამია. სამივე – მარტივი.

მალიარი ხარ, ბიჭო?

შაბათის პოსტი

ჯერ ისტორიები მოყვა – მოსკოვიდან ახალი ჩამოსული ვარო (2008 წლამდელ ამბავს ვყვები), იქო ესო-ისო, გაზპრომიდან დაწყებული კრემლის პალატებით დამთავრებული ყველგან ვარ ნამუშევარიო. ბოლოს ჟანა ფრისკეს (მაშინ ცოცხალი იყო, ცხონებული) ბინის რემონტის ამბავზე რომ გადავიდა, მეთქი, კარგი, მაგრამ ახლა ჩემს კედლებს მიხედე-მეთქი.

მაღაზიაში ფერი ავარჩიე. ვიყიდე “ბეტეკის” საღებავი და კოლერი. გამოთვალეს პროპორცია, რამდენი-როგორ უნდა შეგვეზავებინა და ცხრილი და ინსტრუქციაც გამოგვატანეს. მოვუტანე ამ ჩვენ “ფრისკეს მალიარს”. დახედა ეჭვის თვალით. გახსნა და ვუყურებ, შერევას აპირებს. ვეუბნები –  მოიცა, რას აკეთებ, აგერ დოზატორია და პროპორციაც წერია…

კი წერია, მაგრამ ეგ კომპიუტერში ჯდება ეგრე და სინამდვილეში არ ემთხვევაო. ეგ თეორიაა და მე პრაქტიკის სიმაღლიდან გეუბნებიო. გაზპრომიდან დაწყებული კრემლის პალატებით დამთავრებული ყველგან მე ვმუშაობდიო… შევატყე, ისევ ჟანა ფრისკეს ამბავს იწყებდა და ჯანდაბას, სცადე-მეთქი.

მურვან-მელომან-ყრუ

მე-19 საუკუნეში მისალმების ნიშნად კაცი ცილინდრს მოიხდიდა ხოლმე, დღეს ყურსასმენს იღებს ყურიდან… განსაკუთრებული პატივისცემის ნიშნად – მეორე ყურიდანაც.

როდესაც დროის დიდ ნაწილს ვატარებთ გარეთ – ქუჩაში, საცობში, ჯიმში, მოლში ყურსასმენი ბევრს მუდამ თან აქვს. ასე ვარ მეც. რამდენ ყურსასმენს გაუვლია ჩემი ყურის ნიჟარებში, ვერც დავთვლი. ბოლო ხანებია უსადენო – wireless მოდელებზე გადავედი. ვინც ტრადიციული, სადენიანი ყურსასმენის უსადენოთი ჩანაცვლებას ფიქრობს, სამ მათგანზე დავწერ, მთელი მათი შუქ-ჩრდილებით.

NB! მხოლოდ სტერეო-ყურსასმენებს ვგულისხმობ. მუსიკის მოსასმენადაც რომ გამოდგება. ლინკზე გადასასვლელად – დაკლიკეთ ფოტოზე.

იაფი.

სამწუხაროდ, სასწაული არ ხდება. იაფ უსადენო ყურსასმენს ხარისხიან ჟღერადობას ვერ მოვთხოვთ. აკუმულატორიც სუსტი აქვს და კონტაქტიც ყოველთვის ვერაა სტაბილური.

ეკონათურა

ეკონათურას რომ ვიტყვით ჩვენში, ეკონომიურ – ენერგოდამზოგავ ნათურას ვგულისხმობთ ხოლმე, მაგრამ დიზაინერთა დუეტმა Emilia + Arne, იგივე Nui Design Studio-მ შექმნა ნამდვილი ეკო–ნათურები. ეკოლოგიური. განათება მინი ეკოსისტემით.

Mygdal Lamp ესაა მინისა და ალუმინისგან დამზადებული სანათი, რომელშიც მთელი ეკოსისტემაა მოქცეული. რასაც  ფოტოზე ხედავთ, ცოცხალი მცენარეებია, არა – ხელოვნური.

ეკრანი, რომელიც თვალს არ ღლის…

და ეს არ არის რიდერი!

ვისაც უყვარს კითხვა და ელექტრონულ წიგნში აფასებს კომფორტს, დიდ არჩევანსა და ხელმისაწვდომობასა და არ დაეძებს “წიგნის მტვერს”, რიდერების უპირატესობა რაა, ჩემი ახსნა-განმარტება არ სჭირდება. მაგრამ მათთვის, ვისაც რიდერი არ აქვს, ან სურს ლიტ.ჯისა და საბა.ჯის ბუკები წაიკითხოს – ერთადერთი ხსნა ტაბლეტია. ტაბლეტის ეკრანი კი, რიდერის “ქაღალდის” ეკრანთან შედარებით, თვალს ღლის. ამ ნაკლისგან, სამწუხაროდ, ისეთი კითხვა კომფორტული ტაბლეტის ეკრანიც არაა დაცლილი, როგორიც ქინდლ ფაიაა).

მაგრამ ეს იყო გუშინ.

ესპანურმა კომპანიამ Reticare დაასრულა 12-წლიანი კვლევა, ლაბორატორიული გამოცდა, აქეთური-იქეთური, რაც საჭიროა და წარმოადგინა Reticare ocular protective sheet – ეკრანის საგანგებო ქავერი, რომელიც ამცირებს ტაბლეტის (და არამხოლოდ ტაბლეტის) ეკრანის ციმციმს და ჩვენი თვალისთვის სხვა გამაღიზიანებლ თანმდევ ეფექტს და კითხვას აქცევს ისევე უსაფრთხო და კომფორტულ სიამოვნებად, როგორც ეს რიდერის ან ქაღალდის წიგნის შემთხვევაშია.

აუცილებელი პროგრამები Kindle Fire-სთვის

ეს პოსტი იმ საჭირო და სასარგებლო აპებზეა (პროგრამებზე), რომლებიც ჩემს Kinlde Fire-ში მაქვს, თუმცა სხვა ანდროიდ-ტაბლეტებზეც და ანდროიდ-სმართფონებზეც წავა. თუ ყველა არა – ბევრი. შევეცდები, თემატურად დავაჯგუფო.

Multimedia

იყო დრო რადიოს გარდაცვალებას წინასწარმეტყველებდნენ მავანნი, მაგრამ ონლაინ-რადიოსადგურების გამოჩენამ ინდუსტრია გამოაცოცხლა. TuneIn Radio ონლაინ-რადიოსადგურების მოსასმენად საუკეთესოა. უამრავი რადიოსადგური აქვს ჩამონათვალში, დაჯგუფებული ქვეყნების, მუსიკალური სტილის და სხვ. მიხედვით.

იუთუბზე განთავსებული ვიდეოების საყურებლად Viral Pro-ს ვიყენებ. იუთუბის ოფიციალური აპისგან განსხვავებით, გაცილებით მეტი ოფცია აქვს, მათ შორის “ფანჯარა-ფანჯარაში”: შეგიძლია ვიდეოს უყურო ფანჯარაში, რომელსაც ტაბლეტის ეკრანის ნებისმიერ ადგილას განათავსებ.  მუშაობს ბექგრაუნდშიც – ეს გამოგადგება, როცა იუთუბიდან მუსიკას უსმენ. შექმნი ფლეილისთს, გაუშვებ Viral Pro-ს ბექგრაუნდ-რეჟიმში და ეკრანიდან გაქრება, მუშაობას კი განაგრძობს. უსმინე, რამდენიც გინდა, თან სხვა საქმეც აკეთე ტაბლეტში (მთავარია – რამდენიმე აპის პარალელურად მუშაობა ტაბლეტის ჰარდმა გაქაჩოს). ან – სულაც გამორთე ეკრანი. ამის მსგავსია SuperTube-იც. ესეც კარგი პროგრამაა, მაგრამ Viral Pro დამატებითი შესაძლებლობებით სჯობს… თუმცა, ძირითადი ოფციები ორივეს თანაბარი აქვს.

How-to: როგორ გარდაიცვალა ფურცელი და კალმისტარი

ბევრია პროგრამა, რომელიც საშუალებას მოგცემს ტაბლეტი გადააქციო ბლოკნოტად – თითით ან სტილუსით ტაბლეტის ეკრანზე გააკეთო ჩანაწერები ან ჩანახატები (მაგალითად მათგან ერთ-ერთი საუკეთესო Bamboo Paper), მაგრამ ეს არის პოსტი ხელნაწერის ნაბეჭდ ტექსტში გადამყვან პროგრამებზე ე.წ. Handwriting Recignition ტექნოლოგიაზე.  Handwriting Recognition ძალიან სასარგებლო გამოგონებაა – ერთია, როცა უბრალოდ ხელნაწერ ჩანაწერს გააკეთებ, მაგრამ რამდენად მოსახერხებელია, თუკი ამ ხელნაწერ ტექსტს პროგრამა ბეჭდურ ფორმატში გადაიყვანს – გინდა დოკ ფორმატად, გინდა ი-მეილად… ასეთი პროგრამები არის. და ტექნოლოგია იმდენად დაიხვეწა, რომ ნებისმიერი ბატიფეხურის გარჩევის უნარი აქვს.

ორ პროგრამაზე დავწერ, რომელსაც თავად ვიყენებ.

ჯერ – 7notes: Smart Writing Tool. ეს არის არაჩვეულებრივად გონიერი პროგრამა, რომელსაც ინგლისურენოვანი დოკუმენტების შესაქმენლად ვიყენებ. ორიოდ აბზაცის დასაწერად ტაბლეტის ვირტუალური კლავიატურაც გამოდგება, მაგრამ თუ ვრცელი ტექსტის დაწერა მჭირდება, 7notes გაცილებით მოსახერხებელია, იმჰო, ვიდრე ეკრანზე თითების კაკუნი.  სტილუსით ვწერ და ჩემი ხელნაწერი პროგრამას ძალიან მაღალი სიზუსტით გადაჰყავს ბეჭდურში. კონვერტირებული ტექსტის დაკოპირება და ი-მეილში ჩასმა,  DOC, TXT ან PDF-ად ქცევა ორი წამის საქმეა.

How-to: Kindle Fire ტაბლეტზე საოპერაციოს გამოცვლა

“ამაზონმა” Kindle Fire-ის საოპერაციო სისტემა (ROM) განაახლა v. 6.3.3-მდე. შესაბამისად, ვისაც დარუთული ჰქონდა ტაბლეტი – რუთი დაკარგა. რუთთან ერთად დაკარგა ქართული კლავიატურაც. მიუხედავად იმისა, რომ ეს ტაბლეტი უკვე მოძველდა, ბევრი, ალბათ, HD და HDX-ზე გადაბარგდა, პირველი თაობის KF-ის დარუთვა/გაქართულების თემა მაინც აქტუალურია, ამიტომ ბლოგს დროებით შვებულებიდან დავაბრუნებ და ამ ინსტრუქციას შემოგთავაზებთ.

თავიდანვე დავწერ – ROM 6.3.3 ჯერ-ჯერობით არ ირუთება, მაგრამ KF-ის გაქართულება მაინც შესაძლებელია – ამისთვის დაგჭირდებათ სხვა ROM-ის ჩატვირთვა. ეს შესაძლებელია, თუმცა, ცოტა მეტ წვალებას მოითხოვს. ვისთვისაც ქართული კლავიატურის ქონა მნიშვნელოვანია – ვფიქრობ, შეძლებს. მე არ ვარ პროგრამისტი და თუ მე შევძელი, თქვენც მოახერხებთ.

და კიდევ ერთი – თუ კითხვები გაგიჩნდათ, ჯობს, ამ პოსტის ქვეშ კომენტარების დატოვებას ფეისბუქის პმ-ში მკითხოთ.

რა დაგჭირდება:

1. ე.წ. Factory cable

2. Kindle Fire Utility (KFU)

3. ტაბლეტში ჩასატვირთი ანდროიდ ROM-ის zip-ფაილი და გუგლ-მარქეთის ფაილები

How-To: Kindle Fire HDX-ის კარუსელი

ვისაც ამაზონის ტაბლეტი გაქვთ, შეგინიშნავთ, რომ ის დიდი ზომის ხატულებს (“იკონკებს”) იყენებს, რის გამოც აპლიკაციები, რაც ამაზონიდან არ გაქვთ დაინსტალირებული, ტაბლეტის კარუსელში არც ისე ლამაზად ჩანს. დიდი არაფერი პრობლემაა, თუმცა ესთეტურ მხარეს კი აზარალებს.

ადრე დავწერე, თუ როგორ უნდა შეცვალოთ ხატულების ზომა KF კარუსელში (How-To: როგორ გამოვცვალოთ გადღაბნილი იკონკები Кindle Fire-ში?), მაგრამ ცხოვრება წინ მიდის და ახლა სხვა მეთოდს გასწავლით, რომელიც იოლია და გამოცდილი ამაზონის უახლეს Kindle Fire HDX-ზე.

ჯერ კომპიუტერში უნდა გადმოქაჩო აი ეს პროგრამა APK Icon Editor.

შემდეგ – ანდროიდ-აპლიკაცია (APK ფაილი), რომლის ხატულის ზომის შეცვლაც გსურს. ვთქვათ, Chrome Browser.

ინტერნეტში მოძებნი შესაბამის ხატულას ზომით 562×562.