ყველაფერი, რაც თქვენ გსურდათ გცოდნოდათ ვუვუზელაზე, მაგრამ ვერ ბედავდით, გეკითხათ.
კი ვთქვი, ჩემპიონატის განმავლობაში ბლოგს დავასვენებ-მეთქი, მაგრამ რახან პოსტი ფეხბურთში 2010 წლის მსოფლიო ჩემპიონატის ერთ-ერთ მთავარ მონაწილეზეა, სჯობს, გამოვაქვეყნო.
ვუვუზელა (Vuvuzela – უფრო ზუსტი გამოთქმაა: ვუვუზეილა) დაახლოებით ერთი მეტრი სიგრძის საყვირია. გამოირჩევა მონოტონური ტკბილხმოვანებით. დარწმუნებული ვარ, უკვე ძალიან კარგად გაიცანით, მაგრამ არ მგონია, იცოდეთ, რომ მას ხანგრძლივი და თავგადასავლებით აღსავსე საინტერესო ისტორია აქვს.
ვუვუზელა ტელეეკრანებზე პირველად 1970 წლის მექსიკის ჩემპიონატის დროს გამოჩნდა, მაშინ ის კალისგან დამზადებული და ბევრად უფრო მოკლე იყო. მოგვიანებით კალა – ალუმინმა, ალუმინი კი – პლასტმასამ ჩაანაცვლა.
თუმცა, მკვლევრებმა ვუვუზელას შორეულ წინაპრებს მრავალი საუკუნით დაშორებულ ეპოქებში მიაკვლიეს. ცნობილმა შოტლანდიელმა ანთროპოლოგმა, ისტორიკოსმა და ბიბლიის უზადო მცოდნემ, სერ ჯეიმს ფრეზერმა (Sir James George Frazer) ივარაუდა, რომ იერიქონის გალავნის კედლები სწორედ ვუვუზელას ხმამ დაანგრია.
ვუვუზელას უბადლო მცოდნე იყო ნიკოლო პაგანინი (Niccolò Paganini). როდესაც მოშურნეებმა ვიოლინოს ყველა სიმი გადაუჭრეს, დიდმა მუსიკოსმა ფუტლიარიდან ვუვუზელა ამოიღო და იმაზე დაუკრა… ამის შემდეგ პაგანინისთვის სიმები აღარასდროს გადაუჭრიათ.
ვუვუზელასთვის არაერთი მუსიკალური ნაწარმოებია შექმნილი, იგივე იგორ სტრავინსკის (Игорь Стравинский) “სიმფონია სასულე საკრავებისთვის”. ვუვუზელას აქტიურად იყენებს მადრიდის მუნიციპალური სიმფონიური ორკესტრი (Banda Sinfónica Municipal de Madrid), რომლის კონცერტების მუდმივი სტუმარი ესპანეთის მეფე ხუან კარლოსია. “ბითლზის” Yellow Submarine-შიც ისმის ვუვუზელას ხმა.
დღეს ვუვუზელას მუსიკალური ინსტრუმენტების მწარმოებელი ბევრი კომპანია ამზადებს, მაგრამ მათგან ყველაზე დაფასებული და მუსიკათმცოდნეების მიერ უპირობოდ აღიარებული ფრანგული The Selmer Company-ის ამერიკული შვილობილის The Vincent Bach Corporation-ის მიერ წარმოებული ვუვუზელებია. ამ კომპანიამ 2010 წლის მსოფლიო ჩემპიონატისთვის ვუვუზელების საგანგებო სერიაც გამოუშვა, რომლებიც ცნობილმა დიზაინერებმა – დონა ქარანმა (Donna Karan), ბილ ბლასმა (Bill Blass), ჯორჯო არმანიმ (Giorgio Armani) და ტიერი მიუგლერმა (Thierry Mugler) მოხატეს. 2010 წლის საუკეთესო ვუვუზელისტს კი საჩუქრად “სვაროვსკის” კრისტალებით მორთული ვუვუზელა გადაეცემა.
Jy is my liefde, jy is my vuvuzela!
დაბოლოს, თუ არც მუსიკალური ნიჭი გაქვთ და არც ფეხბურთი გიყვართ – აი, რას ამბობს ახენის უნივერსიტეტის კლინიკის ხელმძღვანელი დოქტორი იურგენ ფლუგე (Jürgen Floege): “ვუვუზელა საუკეთესო საშუალებაა ფილტვების ვარჯიშისთვის. ის ხელს უწყობს ჯანმრთელ სუნთქვას და გეხმარებათ თავი დააღწიოთ სასუნთქი აპარატის პრობლემებს. ერთი საათის განმავლობაში ვუვუზელაზე დაკვრა ორგანიზმიდან გამოდევნის 0,09 გრამ ნიკოტინს, 0,2 გრამ ამიაკსა და 0,5 გრამ კუპრს. ამის გარდა, ვუვუზელაზე დაკვრა წონაში დაკლების მშვენიერი საშუალებაცაა.”
© Lord Vader. Stylish Blog.
საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.
___
___
ფოტო-დამატება – გამოჩენილი ვუვუზელისტები:
Vuvuzela Hall of Fame (VHF)
ესე იგი ჩემპიონატის დასრულების შემდეგ აფრიკა უფრო ჯანმრთელი იქნება ვიდრე აქამდე იყო :)))))
LikeLike
ვუაჰ, რა ისტორია ჰქონია, საინტერესო იყო, ამდენი არ ვიცოდი 🙂
LikeLike
Loooooooool!!!
LikeLike
me fehburti ar mikvars, magram ojaxshi mamakaceb unda cavukitho es posti, torem zalian bevrs lanzgaven am vuzuzelaze. arada ra kargi rame kopila 🙂
LikeLike
გავიქეცი მე ვუვუზელას საყიდლად
ნიკოტინი უნდა გამოვდევნო ორგანიზმიდან
LikeLike
“ტკბილხმოვანება”? ჰმ. მაგ ტკბილხმოვანებამ გამინადგურა ნერვები,უკვე მეზარება ჩემპიონატის ყურება :დ თუმცა,ისტორია კი ჰქონია მდიდარი და საინტერესო
LikeLike
ვითომ დაგვემშვიდობე და რამდენი პოსტი დაგიწერია.
საწყალი პაგანინი. ვიოლინოზე რომ ესწავლა დაკვრა მამამისს ტერორში ყავდა და ვუზუზელაზე რა უზამდა. 🙂
LikeLike
რა ღირს საინტერესოა :)) მარა აქ მაგის ბიზნესი არ გაამართლებს …….
😀
LikeLike
ფეხბურთის ფანს ვერ დაამშვიდებს ეს პოსტი : | სრულიად გულისგამაწვრილებელი და ფეხბურთიდან ყურადღების გადამტანი საშუალებაა. იქ რომ ვიჯდე, სათითაოდ დავაცლიდი პირიდან მაგას მთელ სტადიონს.
LikeLike
მე მგონი ღადაობ 🙂 ეხლა მეძინება ხვალგადავამოწმებ ამ ინფორმაციას :))))
LikeLike
ვერ შევიყვარებ :დ
LikeLike