ფეხბურთელი ვიქნები…

ვინ არის მსოფლიოს ყველაზე სიმპათიური ფეხბურთელი? არაერთმა ჟურნალმა ქალებისთვის ჩაატარა მსგავსი გამოკითხვა…

მაგრამ ეს არ არის საინტერესო. მთავარია, ვინ როგორ ითამაშებს მუნდიალზე. ან, თუ მაინცადამაინც სილამაზეს ეხება საქმე – ვის ყავს ყველაზე მაგარი გერლფრენდი თუ ცოლი.

შეიძლება, ეს ჰოლანდიელი ნახევარმცველი რაფაელ ვან დერ ვაარტია. მისი მეუღლე სილვი (Sylvie Françoise van der Vaart) მოდელია, თან მსახიობობს და ტელეწამყვანადაც სცადა ბედი.

ან ესპანეთის კარის დარაჯი იკერ კასილასი, რომლის გერლფრენდი ჟურნალისტი სარა კარბონეროა (Sara Carbonero Arévalo).

ან, იქნებ, ინგლისელი ნახევარმცველი აარონ ლენონი, რომელიც მსახიობსა და მოდელს დანიელ მესონს (Danielle Mason) ხვდება?

შესაძლებელია, ბრაზილიელი ნახევარმცველი კაკაც იყოს, რომლის მეუღლე კაროლინ სელიკო (Caroline Celico) მილანის უნივერსიტეტში მოდის ინდუტრიის საიდუმლოებებს ეუფლება.

იტალიელი ნახევარმცველი რიკარდო მონტოლივო უცოლოა, ამიტომაც მშვიდი სინდისითა და წრფელი გულით შეუყვარდა 2009 წლის მარტის “ფლეიბოის” ფლეიმეითი კრისტინა დე პინი (Cristina De Pin).

ვან დერ ვაარტის თანანაკრებელი, ნახევარმცველი უესლი სნეიდერი დანიშნულია მსახიობსა და მოდელზე, რომლის გვარის სწორედ გამოთქმა შეუძლებელია 🙂 – იოლანტე კაბაუ ვონ კასბერხენ (Yolanthe Cabau van Kasbergen).

შესანიშნავი ურუგვაელი თავდამსხმელი დიეგო ფორლანი არა მხოლოდ ჩემპიონატზე გატანილი ორი (ჯერჯერობით) გოლითაა გამორჩეული, მას გამორჩეული გარეგნობის მეგობარი გოგონაც ყავს – მოდელი ზაირა ნარა (Zaira Nara).

მექსიკის ნაკრების ვეტერანი კაუტემოკ ბლანკო პაპარაცებმა მსახიობ, კომედიური შოუს წამყვან გალილეა მონტიხოსთან (Galilea Montijo Torres) გამოიჭირეს. ბლანკო ერთ-ერთი საუკეთესო შემტევი ნახევარმცველია მექსიკური ფეხბურთის ისტორიაში. გემოვნებაც ვერ დაეწუნება.

ინგლისის ნაკრების აყლაყუდა თავდამსხმელი ფითერ ქრაუჩი დანიშნულია მოდელ აბიგაილ ქლენსიზე (Abigail Rose Clancy). სამხრეთ აფრიკული ვუვუზელებისთვის ცხელა ახლა ამ კაცს? ასეთი ქალი ელოდება სახლში. 🙂

დაბოლოს, ევროპის საუკეთესო ფეხბურთელის, კრიშტიანო რონალდუს მშვენიერი გერლფრენდი – თათრული წარმოშობის რუსი მოდელი ირინა შაიკი (Ирина Шайхлисламова)

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:
ყველაზე სპორტული ნაშები