კინოობანა

თამაშია ასეთი, ასოციაციობანა. რევოლუციამდელი ბავშვების გასართობი. კომპიუტერი და აიფონი რომ არ იცოდნენ, იმ ბავშვების. ამ თამაშს მისი ვარიანტებიც ჰქონდა – კინოობანა ერთ-ერთი იყო. რომელიმე ფილმიდან რამე ეპიზოდი უნდა განგესახიერებინათ, მუნჯურად და მოწინაღმდეგე გუნდი მიმხვდარიყო, რა ფილმია.

ლილი და ლეონი დიდი სინემანიაკები არიან ახალი ზელანდიიდან. კინოობანაში ბადალი არ ჰყავდათ. რომ წამოიზარდნენ, დაქორწინდნენ და ავსტრალიაში გადაბარგდნენ საცხოვრებლად, ბარგი ამოალაგეს, როგორც ახალმოსახლეების წესია და უამრავი ცარიელი მუყაოს ყუთი და ათასი რამ ხარა-ხურა დაუგროვდათ. სხვა – მაკულატურაში ჩააბარებდა ან სარდაფში ჩაზიდავდა (რა იცი, რაში გამომადგესო) ამათ კი დეკორაციების აწყობა დაიწყეს და ახლა მათ საყვარელ თამაშს, კინოობანას ეთამაშებიან მთელ მსოფლიოს. ბლოგისა და სოცქსელების მეშვეობით.

რა ფილმებია, პოსტში არ დავწერ, თავად უნდა მიხვდეთ.

იოლია, იმჰო.

მითუმეტეს, რომ მათემატიკის სახელმძღვანელოს ბოლო გვერდისა არ იყოს, სწორი პასუხები აქაც მაქვს ჩაწიკწიკებული.

თამაში რომ დაიწყეს, მათი შვილი ათი თვის იყო, ახლა სამი წლის ხდება და სახელად ორსონი ჰქვია. სინემანიაკების შვილს აბა სხვა რა უნდა ერქვას.

ყველა კარგი წამოწყება (ცუდიც) გადამდებია. ლილი და ლეონ მაქის ბევრი მიმდევარი გამოუჩნდა. მათზე – სხვა დროს დავწერ.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

Cardboardboxoffice by Leon,  Lily and Orson Mackie