ვინ დათვალოს ზღვაში ქვიშა და ვორდპრესზე ვარსკვლავები?

მორიგი სიახლე Wორდპრესელებისთვის.

ბევრ ბლოგერს პოსტის შეფასების სერვისი აქვს ჩართული – აი, პოსტის თავში (ან ბოლოში) ვარსკვლავები რომაა ჩამწკრივებული  და მკითხველს შეუძლია, შეაფასოს.

ახლა მათ გვერდით ლურჯ რგოლში ლათინური ასო i გამოჩნდა (რაც ინფორმაციას/information აღნიშნავს). თუკი ამ რგოლს დაკლიკავთ პატარა ფანჯარა გაიხსნება, სადაც მკითხველთა აზრითა და შეფასებით ბლოგის ყველაზე რეიტინგული პოსტების სია გამოჩნდება. შეგიძლიათ იქვე ნახოთ დღისა და კვირის რეიტინგ-სტატისტიკაც.

ეს ყველაფერი გამოიყურება ასე:

როგორც სურათიდან ჩანს, ჩემი ბლოგის ყველაზე რეიტინგული პოსტი ყოფილა
ახალგაზრდა მეამბოხე მწერალ გოგოზე, რომელსაც თავისი ვაგინა ძლიერ უყვარდა.

ძალიანაც კარგი. ეს პოსტი მეც მომწონს.

და Wორდპრესიც მომწონს.

მაგრამ ეს კიდევ არაფერი.

Wორდპრესმა კომენტატორებსაც მოუმზადა სიურპრიზი. ლურჯ წრეში მოქცეული i ყოველი კომენტარის თავზეც ჩანს და თუ დაკლიკავთ – მკითხველთაგან ყველაზე მოწონებული და რეიტინგული კომენტარების სიაც გამოჩნდება.

ას, ასეთი:

მაკა ასათიანის კომენტარი “ახლა მმკ მითუმეტეს არ გაახარებსო”, რომელიც მან დატოვა ჩემს პოსტზე ჭეშმარიტ მორწმუნეთათვის გახსნილი სექს-შოფის შესახებ, ჩანს, მკითხველთა სულის სიმებს შეეხო და მოწონება დაიმსახურა. :).

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:

დაალაიქე და ჩაეწერე ისტორიაში